Қазақстанда әмбебап полицейлер қызметке кірісті

Қазақстанда бүгіннен бастап әмбебап полицейлер қызметке кірісті. Бұған дейін әкімшілік және жол полициясы біріктіріліп, қайта жасақталған еді.

Астана қалалық ішкі істер басқармасы баспасөз қызметінің хабарлауынша, әмбебап полицейлер "азаматтардың жеке бас және мүліктерінің қауіпсіздігін қамтамасыз етеді, қоғамдық тәртіпті және жолдағы қауіпсіздікті сақтайды әрі қылмыстарды ашып, қылмыскерлерді ұстайды".

Әмбебап полицейлер әкімшілік полиция басқармасының құрамында болады.