Сирияны ұзақ уақыт бойы басқарып отырған президент Башар Асад бұл қызметке қайта сайланды. Ресми мәлімет бойынша, оның кандидатурасын дауыс беруге қатысқан сайлаушылардың 89 пайызы қолдаған. 3 маусым күні Сирия президенті сайлауына дауыс беру тек үкімет әскерінің бақылауындағы аймақтарда ғана өтті. Оппозиция елде азаматтық соғыс жүріп жатқан мезгілде ұйымдастырылған сайлауды «фарс» деп атады. Еуропа Одағы мен АҚШ Сириядағы президент сайлауын заңды деп танудан бас тартты.