НЬЮ-ЙОРК: БҰҰ-ының хабарлауынша, бүкіл дүние жүзінде өндірілетін апиынның төрттен үші Ауғанстанның үлесіне келеді. БҰҰ-ының атап көрсетуі бойынша, апиын шикізатын өсірумен Ауғанстанда барлық этникалық топтар шұғылданады. Оған елдегі жаппай заңсыздық пен кедейшілік түрткі болуда. БҰҰ-ының деректері бойынша, Ауғанстанда 1 грамм героиннің бағасы 1 доллардан 5 долларға дейін барса, Еуропада – шамамен 100 доллар тұрады. Соңғы мәлімет бойынша, бүкіл дүние жүзінде героин есірткісін шамамен 200 млн адам тұтынады.
