ҚАЙЫР: Мысыр соты тарихи жәдігерлерді елден алып шықты деген айып бойынша 14 адамды, оның ішінде полицияның екі офицерін түрлі мерзімге бас бостандығынан айыру туралы үкім шығарды. Сотталғандардың ішінде Александрия әуе жайындағы қауіпсіздік қызметінің бұрынғы басшысы да бар. Тергеу үрдісі сотталғандардың 2000-ыншы жылы сонау фараондар дәуірінен орта ғасырлардың басындағы кезеңге дейінгі Мысыр тарихына қатысты 100-деген тарихи құндылықты басқа елдерге алып кетіп тұрған қарақшылық топ құрғанын анықтады.
