ТАЯУ ШЫҒЫС: Израильдің Йордан өзенінің Батыс жағалауындағы еврей қоныстарын ұлғайту және онда “қорғаныс қабырғасын” салуын әрі қарай жалғастыруы ниетіне АҚШ пен БҰҰ-ы алаңдаушылық білдірді. БҰҰ-ының Бас хатшысы Кофи Аннан Израильді оның іс-қимылы халықаралық бейбіт жоспарды бұзады деп ескертті. Алайда Израиль премьер-министрінің кеңесшісі Залман Шоваль - “Жол картасы” қағаз жүзінде ғана бар, өйткені Палестина басшылығы терроризмге қарсы күрес бойынша ешқандай шара жасамай отыр” деп мәлімдеді. Израиль еврей қоныстарында қосымша 600-ге жуық тұрғын үй салмақ.
