Алматы қалалық ішкі істер басқармасының бастығы генерал Молдияр Оразәлиев бүгін президент Н.Назарбаев бастаған “Отан” партиясының осы қаладағы кеңсесіндегі кешегі 2 жарылысы белгілі біреуді өлтіру үшін ұйымдастырылған жоқ деп мәлімдеді. Оның алдында “Ақ жол” партиясының 5 тең төрағасының бірі Болат Әбілов Астанада ұйымдастырған баспасөз-маслихатында, Алматыдағы жарылыстарға елдегі демократиялық күштердің ешқандай қатысы жоқ деп үзілді-кесілді мәлімдесе, “Отан” партиясының өкілі ол жарылыстарды – елдің ішкі ахуалын бұзу мақсатында жүзеге асырылды деп қарастыратынын атап көрсетті.
