Бүгін Пәкістанның солтүстік-шығысында жол бойына орнатылған бомба полиция күзеті өтіп бара жатқан сәтте жарылып, одан кем дегенде 7 адам қаза тапты және тағы бірнеше кісі жараланды. Полицияның хабарлауынша, қаза болғандардың алтауы қауіпсіздік қызметінің өкілдері, біреуі – кездейсоқ жолаушы көрінеді. Бұл жарылыс Дера Исмайыл Хан қаласында іске асырылды. Аталған қала – Пәкістан күштерінің “Әл-Қаида” жасақтары мен тәліптердің қалдықтарына қарсы күрескен өлкеде орналасқан. Бұл қастандықты әзірше ешкім өз мойнына алған жоқ.
