БЕЙРУТ: “Хезболлах” ұйымының лидері Шайх Хассан Насралла Израиль-Ливан жанжалына байланысты БҰҰ-ының Қауіпсіздік Кеңесі Қарарының АҚШ пен Франция ұсынған жобасына қарсы шықты. Ливан теледидарынан сөйлеген сөзінде ол бітімге келудің шартын “әділ емес” деп бағалады. Сонымен қатар “Хизболлаһ” лидері Ливанның оңтүстігіндегі шекара аумағына 15 мыңдық әскерін орналастыру жөніндегі Ливан үкіметінің ұысынын қолдайтынын мәлімдеді. Бірақ Ливан өз әскерін Израиль армиясы кейін шегінген соң ғана орналастырмақшы.
