НЬЮ-ЙОРК: Бүгін Америка Құрама штаттары 2001-інші жылдың 11-інші қыркүйегіндегі лаңкестік шабуылдың 5 жылдығын атап өтеді. Лаңкестер басып алған 2 жолаушы ұшағы Нью-Йорктегі Дүниежүзілік сауда орталығының 2 мұнарасына соғылып жарылғанда 3 мыңға жуық адам құрбан болды. Тағы бір жолаушы лайнері Пентагонның ғимаратына жетіп соғылса, төртінші ұшақ – Пенсильвания штатындағы елсіз тоғайға барып құлады. Бұл шабуылдарды Усама бин Ладин бастаған “Әл-Қаида” ұйымы іске асырды деп есептеледі.
