Ресей БҰҰ-ның Қауіпсіздік Кеңесінен ресейлік төрт офицерді тыңшылық жасады деген айыппен қамауға алған әрекеті үшін Грузияға сөгіс жариялауға шақырды. Хабарларға қарағанда, бүгін Тбилисидегі сотта тыңшылық жасады деген айыппен ол төрт әскеридің үстінен сот басталады. Ресейдің Грузиядағы елшісі Вячеслав Коваленко ресми Тбилисиді қамауға алынған ресейліктерді тезарада босатуға шақырды.
