АҚШ, Ресей, және Қытай президенттері бүгін Вьетнам астанасы Ханойда басталатын Азия-Тынық мұхиты мемлекеттерінің экономикалық ынтымақтастық форумына қатысады. 21 мемлекеттен келген ел жетекшілері сауда-саттықты ырықтандыруды қайта жандандыру мәселесін талқыламақ. Өткен шілде айынан бері ауылшаруашылық субсидиясы мәселесінде елдер арасында өзара келіспестік пайда болған еді. Сондай-ақ, Ханой форумы қатынасшылары Солтүстік Кореядағы атом қаруы бағдарламасын тоқтату мәселесін де талқыламақ.
