АШХАБАД: Кеше Түркіменстан президенті С.Ниязовтың сүйегі Ашхабадтан 15 шақырым қашықтықта орналасқан Қыпшақ ауылындағы Ниязовтар әулетінің зиратына жерленді. Президент сарайынан Қыпшақ ауылына дейінгі жол бойына мыңдаған халық келді. Түркіменстанды 21 жыл бойы билеген С.Ниязов 21-інші желтоқсан күні жүрегі қысылып қайтыс болды. Президент міндетін вице-премьер әрі денсаулық сақтау министрі Гурбангулы Бердімұхаммедов уақытша атқаруға кірісті.
