Талибан жетекшісі Молла Омар Пәкістанның халықаралық барлау қызметінің қорғауында Қуета қаласында тұрып жатыр деген мәлімдеулер шындыққа жанаспайды дейді Пәкістан тарабы. Ауған ресмилерінің айтуларына қарағанда, мұндай дерек осының алдында ұсталған Талибанның баспасөз өкілі Мұхаммад Ханифтен жауап алу барысында айтылған. Пәкістанның ішкі істер министрі Ассошайтед пресс агенттігіне берген сұхбатында бұндай мәлімдемеге негіз жоқ, Пәкістан билігі Молла Омардың қайда екенінен хабарсыз деп айтқан.
