НАТО одағының мемлекеттері Косовоның мәртебесін анықтау жөнінде ұсынылған Біріккен Ұлттар Ұйымының жоспарына қолдау танытты. Мұны кеше НАТО өкілі Джеймс Аппачурай айтты. Жоспарды кеше Венада өткен "Контакт тобының" мәжілісінде БҰҰ-ның елшісі Мартти Ахтисари ұсынды. Жоспар бұқараға әзірше жарияланған жоқ. БҰҰ-ның елшісі ұсынысын келесі аптада Сербия мен Косовоның ресми өкілдеріне тапсырмақ. Дегенмен, Мартти Ахтисаридің кеңсесі жоспарда Косовоның мәртебесі түпкілікті көрсетілмеген дейді.
