КИЕВ: Бүгін Украина президенті В.Ющенко мен премьер-министр В.Янукович елді дағдарыстан шығару мақсатымен екі жақты жаңа келіссөз өткізуге тиіс. Президенттің парламентті таратып, мамыр айында жаңа сайлау өткізу туралы жарлығынан туған жанжалды олардың сейсенбі күнгі келіссөзі шеше алмады. Президент В.Ющенконың әлгі жарлығы сейсенбі күні күшіне кіріп, Жоғарғы Рада Конституциялық соттан оның заңға сәйкестігін анықтауды өтінді. В.Янукович ол жарлықты “үлкен қателік” деп бағалады.
