Ресей мен Грузия грузиялық ауылға жақын жерге құлаған зымыран жіберілген ұшақтың кімдікі екендігі турасында бір мәмілеге келе алар емес. Ресей әуе күштері штабының бастығы генерал-лейтенант Игорь Хворов Ресейдің әскери сарапшылары 6 тамыз күні орыс ұшағы грузин әуе кеңістігін бұзып, зымыран тастады деген Тбилисидің талабын тексеріп жатқандығын айтты. Кеше Ресей командасы зымыран құлаған Гори ауылына жақын жерде болған.
