Тірі 19 тұтқынан қалған 7 оңтүстік кореялық та бүгін босатылады, деп күтуде ресми Сеул. Мұндай хабарды осыдан бұрын талибандықтар да айтқан болатын. Олар сәрсенбі күні 12 тұтқынды бостандыққа жіберген еді. Аталған 19 тұтқын түгел босатылған жағдайда, оған жауап ретінде Оңтүстік Корея Ауғанстаннан 200-дей әскерін шығарып, сондай-ақ кореялық миссионерлердің бұл елге келуіне тиым салуға қос тарап келіскен болатын.
