Солтүстік Осетияның Беслан мектебінде 2004 жылы 1 қыркүйекте мыңнан астам адам кепілдікке алынған болатын. Ал 3-ші қыркүйек күні спортзал маңында екі жарылыс естілген соң Ресей арнайы жасағы шабуылды бастап жіберді де, арада қанды қақтығыс бұрқ ете түсті. Оның салдарынан 330 адам құрбан болды, олардың жартысы балалар еді. Бүгін Ресейдің Мәскеу мен Санкт-Петербор қалаларында сол қайғылы оқиғаның үш жылдығына қатысты шерулер ұйымдастырылмақшы. Беслан қантөгісінде құрбан болғандардың туыстары ресми билік ол трагедия туралы шындық пен ақиқатты жасырғысы келеді дейді.
