Мұның өзі Бағлан аймағында орын алған жағдайға ел үкіметінің мән бермеуіне наразылық еді. Қарашаның 6-сы күні Бағланға сапармен келген депутаттарға жанкештілік шабуыл жасалған болатын. Осы жарылыстан және қауіпсіздік қызметкерлерінің бей-берекет оқ жаудыруынан барлығы 77 адам қаза болған-ды. Оның 61-і мектеп оқушылары және алтауы депутаттар еді. Бағлан ресмилерінің қызметін уақытша тоқтату жөніндегі парламент талабын ел үкіметі елемеді, дейді төраға Мұхамед Юнус Қануни.
