КИЕВ: Бүгін Украинаның Жоғарғы Радасы Ю.Тимошенконың үкімет басына тағайындалуына дауыс беруді келесі сейсенбіге қалдырды. Оның алдында парламент Аймақтар партиясы” депутаттарының бөгет болуы салдарынан біраз уақыт өзінің отырысын бастай алмады. Олар мәжілісті бастаудан бұрын, “қызғылт-сары коалицияның” депутаттарынан ресми түрде кешірім сұрауды талап етті. Өткен сейсенбі күні Ю.Тимошенконы бекіту үшін 2 рет қатарынан 1-ақ дауыстың жетпей қалуынан кейін, “қызғылт-сары коалиция” Аймақтар партиясын дауыс беру жүйесін бұзды деп айыптаған болатын.
