АҚШ әскерінің өкілі, контр-адмирал Грегори Смит Ирақта қастандық толқыны басылғанымен, қауіпсіздік мәселесі өте нашар халде деп мәлімдеді. Журналистерге сұхбат берген контр-адмирал Грегори Смит Ирақта "Әл Қаиданың" ықпалы әлі мол деді. АҚШ әскерінің өкілі, сол сияқты, "Әл Қаида" террорлық ұйымының жетекшісі Осама бин Ладеннің сенбі күні жарияланған аудиожазбасындағы сөзін жоққа шығарды, "Әл Қаида" нысанаға бейбіт тұрғындарды алмайды деген сөз шындыққа сай емес, "Әл Қаиданың" қимылдары өзгеше болып отыр деді.
