Сербтер Косовоның тәуелсіздік жариялауына байланысты Белградта жаппай наразылық шараларын өткізуді жоспарлауда. Халық шеруін үкімет қолдап отыр. Премьер-министр Воислав Коштуница наразылық танытушылардың алдында мәлімдеме жасамақшы. Ал бүгін президент Борис Тадич Косово тәуелсіздігін мойындамаған Еуроодақ мүшесі Румынияға барып, президент Траян Басескумен кездесті. Соңғы хабарларға қарағанда, Италия мен Эстония Косово тәуелсіздігін мойындаған мемлекеттердің қатарына қосылған.
