Бүгін Жапонияда кездесіп жатқан Құрама Штаттар мен Азияның ірі бес елінің энергетика министрлері мұнай бағасының шарықтап кеткеніне алаңдаушылық танытты. Америка, Жапония, Қытай, Үндістан мен Оңтүстік Корея ресмилерінің мәлімдемесі мұнай бағасы бірден 10 долларға көтеріліп, бір баррелі 138 доллар болған соң айтылып отыр. Үлкен Сегіздік тобының энергетика министрлері Жапонияда жексенбі күні мұнай бағасының өсе түскеніне қатысты тағы келіссөздер өткізеді. Кейбір сарапшылар мұнайдың бір баррелі алдағы айда 150 доллар болуы мүмкін деп отыр.
