Қазақстанда жоғарғы оқу орнын бітіргені туралы жалған диплом ұсынғандар саны биылғы жылдың алғашқы жартысында былтырғы жылғы осындай кезеңмен салыстырғанда 25 пайызға көбейген. Бұл туралы Бас прокуратураның Құқықтық статистика және арнайы есеп жүргізу комитеті хабарлап отыр. Сондай-ақ комитеттің хабарламасында елде әртүрлі ресми құжаттарды қолдан жасау фактілері де былтырғымен салыстырғанда 20 пайыздан астамға артқаны айтылған.
