Ауған саясаткерін нысанаға алған қарулы адамдар оның 4 оққағарын өлтірді. Ресмилердің айтуынша, елдің оңтүстігіндегі Кандағар қаласында қаруланған кісілер провинциялық кеңестің басшысы Мохаммад Хашим Гранайдың көлігіне оқ атқан. Саясаткердің өзі аман қалды деп хабарланып отыр. Сонымен қатар, жексенбі күні НАТО жетекшілігіндегі қауіпсіздік күштерінің бір сарбазы Ауғанстанның шығысында орын алған шабуылдан опат болған.
