Европадағы Қауіпсіздік және Ынтымақтастық Ұйымы өзінің Грузиядағы қарусыз 20 әскерінің мандатын ұзартуға келіскенін айтып отыр. Венада орналасқан ұйымның айтуынша, олар келесі бақылаушыларын маусымның 30-на дейін Грузияның даулы аймағы Оңтүстік Осетияда орналастыру жөнінде шешімге келген. Ұйымға мүше Ресей мен Грузия елдері ол шешімді қолдады. ЕҚЫҰ-ның бұл аймақтағы бақылаушы құзыры алдағы аптада бітуі керек болған. Бірінші бақылаушылар Грузияға өткен жылғы тамыз айындағы қақтығыстан кейін жіберілген болатын.
