Түркияда полиция мен шерушілер қақтығысты

Түркия полициясы екі күн қатарынан наразылық танытушыларды таратты. Шерушілер Халықаралық валюта қоры мен Дүниежүзілік банкке қарсы наразылық шараларын ұйымдастырған болатын. Бұл екі ұйым Түркияда жылдық кездесулерін өткізді.

Полиция жүздеген шерушіге көзден жас шығаратын газ атып, су шашатын жабдықтарын пайдаланды. Кей наразылақ танытушылар терезелерді сындырып, полиция қызметкерлеріне тас лақтырды. Түркияда қауіпсіздік шаралары күшейтілді.