АҚШ әскерилері Рейтерс агенттігінің ирақтық фото тілшісін босатты

Бүгін Құрама Штаттар әскерилері Рейтерс тілшісін бір жарым жылдан аса қамауда ұстап, еш айып тақпастан босатты.

Ирақтық Ибрахим Яссам Мохаммед Рейтерс агенттігіне видео және фотолар жасап беретін фриланцер болған. Оны 2008 жылдың қыркүйегінде Бағдадтың оңтүстігіндегі Махмудия қаласындағы үйінен АҚШ және ирақтық күштер ұстап әкеткен.

Өткен жылы Ирақ соты Яссамға айып тағуға еш негіз жоқ деген шешім шығарған. Бірақ АҚШ әскерилері одан өздеріне қауіп болуы мүмкін екенін айтқан болатын.