Карзайдың келіссөзге шақырғанын тәліптер тағы қабылдамады

Бүгін ауғандық талибандар президент Хамид Карзайдың бейбіт келіссөздерге шақырған ұсынысын тағы қабылдамады.

Талибан қозғалысының өкілі Кари Мохаммад Юсуф Карзайды үкімет пен елдің атынан шыға алмайтын “қуыршақ” деп айыптады.

Сенбі күні Ауғанстан президенті Хамид Карзай парламентте сөйлеген сөзінде, тәліптерге қайрылып, оларды өзінің бейбіт жоспарын қабылдауға шақырған.

Бұларада Ауғанстанның оңтүстігінде халықаралық күштердің талибан жауынгерлеріне қарсы бірлескен операциясы жүріп жатыр.