Дағыстанда тағы бір аудан әкімі өлтірілді

Жұма күні Дағыстанда Магарамкент ауданының әкімі Азади Шихбабаев қастандықтан қаза тапты.

Дағыстан ішкі істер министрлігі хабарлағандай, белгісіз қаскүнемдер аудан әкімінің автөлігі ауыл ортасынан өтіп бара жатқанда атқылаған. Шихбабаев алған жарақат салдарынан сол жерде көз жұмды.

Оқиға соңынан қаскүнемдер ізін суытып үлгеріпті.

Магарамкент ауданының бұрынғы әкімі Абрек Гаджиев болса, өткен жылы қарашада Махачкалада қастандық құрбаны болған еді. Соған байланысты қозғалған қылмыстық іс әлі ашылған жоқ.