Ресей Федералдық кеңесі АҚШ-пен арадағы келісімді бекітті

Ресей парламентінің жоғарғы палатасы АҚШ-пен арадағы ядролық қаруларды азайту жөніндегі жаңа келісімді бекітті. Бүгін Федералдық кеңес Стратегиялық қаруларды қысқарту туралы келісімді бірауыздан мақұлдады. Енді бұл құжатқа президент Дмитрий Медведев қол қоюы тиіс.

Бұл келісімді өткен айда АҚШ сенаты ды бекіткен болатын. Алдағы апталарда АҚШ пен Ресейдің ресми өкілдері ратификацияланған құжаттарды бір-біріне тапсырған соң бұл келісім өз күшіне енеді.