Ливия көтерілісшілері АҚШ-та кеңсе ашпақ

АҚШ-тың жоғары лауазымды ресми өкілінің мәлімдеуінше, Ливия көтерілісшілері Вашингтонда кеңсесін ашады.

АҚШ мемлекеттік хатшысының Таяу Шығыс мәселелері бойынша көмекшісі Джеффри Фелтман көтерілісшілер бақылауындағы Бенгази қаласында сөйлеген сөзінде "Вашингтонда кеңсе ашу жөніндегі шақырту қабылданды" деп атап көрсетті.

Фелтман ливиялық көтерілісшілердің Ұлттық өтпелі кеңесімен келіссөз өткізу үшін Бенгазиге үшкүндік сапармен барған болатын.

НАТО күштері Муаммар Каддафидің режиміне қарсы операцияларын жалғастырып жатыр.