Дания мешіті жанындағы атыстан бір адам мерт болды

Дания полициясының хабарлауынша, Копенгагендегі мешіттің сыртында болған атыстан бір адам қаза тауып, кемінде біреуі жараланған.

Полиция баспасөз хатшысының айтуынша, сейсенбі күнгі атыс негізінен пәкістандық иммигранттар намаз оқитын мешіттің жанында болған.

Мұсылмандардың Рамазан айының аяқталуын атап өтетін айт мерекесі күні мешіттегі намазға қатысқан куәгердің айтуынша, атыс дауласқан екі жастар тобының арасында болған.