Дағыстанда жарылыстан екі адам қаза болды

Бүгін түнде Дағыстанның Қызылюрт кентінде жарылыстан полицияның екі қызметкері мерт болғаны хабарланды.

Хабарларға қарағанда, полиция машинасы жанынан өтіп бара жатқанда бомба орнатылған автокөлікте жарылыс болған. Бастапқыда бұл жарылысты жанкешті жасаған деген ақпарат айтылғанымен, әзірге ол ресми түрде расталған жоқ.

Жарылыс болған жерде шыққан өрт сөндіріліп, тергеу шаралары жүргізіліп жатыр.