Жаңаөзендегі оқиғаны тексеретін үкіметтік комиссия құрылды

Қазақстан президенті Нұрсұлтан Назарбаев Жаңаөзендегі оқиғалардың себеп-салдары мен егжей-тегжейін анықтайтын үкіметтік комиссия құрды.

"Мемлекет басшысы Жаңаөзен мәселесі бойынша Өмірзақ Шүкеев жетекшілік ететін комиссия құрды" деп жазды сенбі күні Қазақстан премьер-министрі Кәрім Мәсімов Twitter-дегі парақшасында.

Ресми дерекке қарағанда, Жаңаөзенде желтоқсанның 16-сы күнгі оқиғадан 10 адам қайтыс болған.