Францияның жаңа президенті қызметіне кірісті

Сейсенбіде Парижде Францияның жаңадан сайланған президенті Франсуа Олландтың инаугурациясы болды.

Париждің Елисей сарайында болған салтанатты шарада президент Николя Саркиози Олландқа ядролық қарудың коды мен басқа да құпия құжаттарды жеке тапсырды. Бұдан соң Олланд Франция президенті ретінде ант қабылдады.

Франсуа Олланд енді елдің жаңа премьер-министрін ұсынбақ. Бұдан соң ол Германияға сапарлап, канцлер Ангела Меркельмен Еуропадағы қаржы дағдарысын талқыламақ.