Бір жыл бойы қамаудың қатаң режимінде жазасын өтеп келген құқық қорғаушы Вадим Курамшин қамаудың сәл жеңілдетілген түріне, яғни дағдылы режимге ауыстырылды деп хабарлады Солтүстік Қазақстан облысындағы Горный кентіндегі ЕС 164/4 колониясының бастығы Уәлихан Байтасов.
Оның айтуынша, сәуірдің 3-і күні комиссия сондай шешім қабылдаған.
Байтасовтың сөзінше, дағдылы ұстау жағдайына өткен сотталушының жылына үш рет туыстарымен кездесуге, апта сайын телефонмен хабарласуына құқығы бар.
Бұған дейін түрмеде сотталушы ретінде туыстарымен байланысу құқықтары бұзылғанын айтқан Курамшин мен оның адвокаты өзіне психологиялық қысым тоқтамағанын мәлімдеп, дағдылы режимге ауыстырмау үшін түрме әкімшілігі арандатуға бара ма деп қауіптенген еді. Ал Open Dialog қоры түрме әкімшілігін құқық қорғаушының құқықтарын бұзбауға, қысымды тоқтатуға шақырған.
Түрмедегі тұтқындардың құқықтарын қорғау қызметі арқылы танылған қоғамдық белсенді Вадим Курамшин 2012 жылы желтоқсанда «бопсалау» бабы бойынша айыпты деп танылып, 12 жылға сотталған. Ол өзіне тағылған айыптарды мойындамайды. Курамшин қазір Солтүстік Қазақстан облысындағы жұрт «Жамансопка» деп атап кеткен тәртібі қатал ЕС 164/4 түрмесінде жазасын өтеп жатыр.
Вадим Курамшин адам құқығы саласында Людовик Трарье атындағы халықаралық сыйлықтың 2013 жылғы иегері атанған. Қазақстанның бірқатар құқық қорғау ұйымдары оны «саяси және ар-ұждан тұтқыны» деп таныған.
Оның айтуынша, сәуірдің 3-і күні комиссия сондай шешім қабылдаған.
Байтасовтың сөзінше, дағдылы ұстау жағдайына өткен сотталушының жылына үш рет туыстарымен кездесуге, апта сайын телефонмен хабарласуына құқығы бар.
Бұған дейін түрмеде сотталушы ретінде туыстарымен байланысу құқықтары бұзылғанын айтқан Курамшин мен оның адвокаты өзіне психологиялық қысым тоқтамағанын мәлімдеп, дағдылы режимге ауыстырмау үшін түрме әкімшілігі арандатуға бара ма деп қауіптенген еді. Ал Open Dialog қоры түрме әкімшілігін құқық қорғаушының құқықтарын бұзбауға, қысымды тоқтатуға шақырған.
Түрмедегі тұтқындардың құқықтарын қорғау қызметі арқылы танылған қоғамдық белсенді Вадим Курамшин 2012 жылы желтоқсанда «бопсалау» бабы бойынша айыпты деп танылып, 12 жылға сотталған. Ол өзіне тағылған айыптарды мойындамайды. Курамшин қазір Солтүстік Қазақстан облысындағы жұрт «Жамансопка» деп атап кеткен тәртібі қатал ЕС 164/4 түрмесінде жазасын өтеп жатыр.
Вадим Курамшин адам құқығы саласында Людовик Трарье атындағы халықаралық сыйлықтың 2013 жылғы иегері атанған. Қазақстанның бірқатар құқық қорғау ұйымдары оны «саяси және ар-ұждан тұтқыны» деп таныған.
