Порошенко: Бейбіт келіссөздер өткізуге мүмкіндік бар

Украина президенті Петр Порошенко Донецкіде соғысып жатқан, президенттің бітім жасасу жоспарын қолдайтын тараптардың қатысуымен "дөңгелек үстел" өткізу мүмкіндігін жоққа шығармайды. Порошенко бұл жайында Донецк облыстық әкімшілігінің төрағасы Сергей Тарутомен кездесуі кезінде айтты.

УНИАН агенттігінің хабарлауынша, Украина президентінің бейбіт жоспарында Ресейдің Украинадағы президент сайлауын мойындауы, қақтығысты тоқтатып, бейбіт тұрғындарға арналған гуманитарлық "дәліз" ашу қарастырылған.

Порошенко ұсынған бейбіт жоспарда орыс тілін еркін қолдануға кепілдік беру және әскерилер мен бейбіт тұрғындардың өліміне қатысы жоқ сепаратистерге рақымшылық жасау да бар.