Донецк әуежайын қорғап тұрған украиналық сарбаздар қаза тапқан танкистің денесін ұрыс алаңынан алып шықты. Азаттықтың Украин қызметінің тілшісі Сергей Лойконың фоторепортажы.
Қаруластың денесін майданнан алып шығу
1
Өртенген әскери танк ұрыс алаңында қалды.
2
Жауынгерлер шайқас жүріп жатқан жерден тапқан жәшікті қаза тапқан танкистің денесін салатын уақытша табыт ретінде пайдаланды.
3
Сепаратистер жаудырған оқ астында қарулас серіктері марқұмның денесі салынған жәшікті сырты темірмен қапталған көлікке тиеп жатыр.
4
Сарбаздар мәйіт салынған жәшікті көліктің үстіне байлап тастады. Бұл уақытта сепаратистер оларға оқ атуын тоқтатқан жоқ.
5
Көлікке тиелген жәшікпен танкистің денесі ұрыс алаңынан шығарылған соң украиналық сарбаздар шайқасты қайта жалғастырды.
6
Ұрыс алаңында мерт болған танкистің сүйегін үйіне жіберу үшін басын бәйгеге тіккен бұл жігіттің есімі – Славик. Ешкім айтпаса да, марқұмның денесін оқ пен оттың ортасынан алып шығуға өзі сұранып шыққан ол мәйіт тиеген көлікті жөнелткен соң әуежайды қорғауға қалды.
7
Бұл жігіт те ұрыста қаза тапқан қарулас серігінің сүйегін алып шығуға атсалысып, сосын әуежайды қорғауға қалды.
8
От пен оқтан бүлінген ғимарат жанында қалған танк қаңқасы.