Ауғанстан астанасындағы полиция кеңсесінде бүгін таңертеңгі сағат тоғыздың шамасында болған жарылыс салдарынан кемінде полицияның бір офицері қаза тауып, алты адам жараланған. Бұл туралы Ассошейтед пресс агенттігіне Кабул полициясының генералы Мохаммад Захир мәлімдеген.
Бұның алдында, таңертеңгі сағат жетінің кезінде Кабул маңында тағы бір жарылыс болған еді. Бірақ одан ешкім зардап шекпеген.
Кабулда жексенбіде болған екі жарылысқа жауапкершілікті Талибан мүшелері өз мойындарына алатынын мәлімдеген.
