Бүгін Алматының Бостандық аудандық соты Арай Нұғыманова 46 жастағы алматылық Сәкен Тулбаевқа қатысты сот үкімін жариялады.
Сот Қазақстанда қызметіне тыйым салынған «Таблиғи жамағат» ұйымына қатысы бар және «діни алауыздық қоздырды» деп айыпталған Сәкен Тулбаевты төрт жыл сегіз айға бас бостандығынан айырды.
Сотталушы Сәкен Тулбаев өзіне тағылған «діни алауыздықты өршітті» деген айыпты мойындамайды. Ол «Таблиғи жамағат» ұйымы жоқ болғандықтан оның мүшесі болуым мүмкін емес» деп мәлімдеген.
Сотталушының адвокаты сот үкімімен келіспейтіні жайлы Азаттыққа айтты.
