Қазақстандық шаңғышы Анна Шевченко Қысқы универсиадада әйелдер арасында шаңғымен бес километр қашықтыққа жүгіруде қола медальді жеңіп алды деп хабарлайды Азаттық тілшісі. Бұл - Қазақстанның 28-Қысқы универсиадада алған алғашқы медалі.
Бұл сында алтын және күміс медальдерді ресейлік Лилия Васильева мен Анна Нечаевская жеңіп алды.
Алматыда 28-Қысқы универсиаданың ашылу салтанаты 29 қаңтарда өткен. Универсиада ойындары ақпанның 8-іне дейін жалғасады.
