Испанияның Барселона қаласында ондаған мың адам жұма күні мигранттарды қорғау шеруіне қатысты.
«Біздің үй – сіздің үйіңіз» деп аталатын топ ұйымдастырған шеру осы кезге дейін бес мыңнан аса мигрант Еуропаға жете алмай, суына кетіп опат болған Жерорта теңізі жағалауында аяқталды.
Мигранттарды қорғау акциясын өткізуге Барселона мэрі Ада Корлау қолдау білдіріп, шеруге қатысты.
Еуропа Одағы 2015 жылы бекіткен квота жүйесіне сай Испания Еуроодақтың өзге елдерінен 16 мыңдай мигрантты өз жеріне жайғастыруы тиіс еді. Бірақ Испания тек 1100 мигрант қабылдаған.
Испанияның Каталония автономиялық аймағының орталығы Барселона көлемі жағынан елдегі екінші үлкен қала саналады.
