Өзбекстанға бүгін Францияның сыртқы істер министрі Жан-Марк Эро ресми сапармен барады. Бұл туралы Өзбекстанның сыртқы істер министрлігі хабарлады.
Өткен айдың соңында Парижде Орталық Азияның бес елінің сыртқы істер министрлерімен кездесуінде Эро Орталық Азиямен диалогтың жаңа кезеңін бастау ниеті барын мәлімдеген. Эро бұл сапар барысында Өзбекстанның бірқатар ресми өкілдерімен кездеспек.
