Өзбекстанда 70 жастағы науқас коронавирустан жазылып шықты. Ташкент тұрғыны эпидемиология, микробиология және жұқпалы аурулар ғылыми зерттеу институтының кликасында емделген. Оған науқастардан вирус жұққан. Емделгеннен кейін тест алынып, науқаста коронавирус жоқ екені анықталған.
16 сәуірде Бұхара қаласындағы инфекциялық ауруханада емделген тағы 20 науқастың (10 ер адам, 10 әйел) айыққаны белгілі болды. 11-і - Ташкенттен, төртеуі Самарқанд облысынан, екеуі - Жизақ облысынан және үшеуі - Қашқадария, Науаи, Ташкент облыстарынан. Ең үлкені - 57 жаста, ең кішісі - 21-де. Барлық науқастар Бұхараға Түркиядан ұшып келген. Коронавирус анықталғаннан кейін облыстық инфекциялық ауруханаға жатқызылған болатын.
Өзбекстанда коронавирустан 129 адам айыққан. 4 адам қайтыс болған. Барлығы 1349 адамнан коронавирус табылған.
ПІКІРЛЕР