Армения премьер-министрі Никол Пашинян отставкаға кетті, бірақ үкімет басшысы міндетін 20 маусымға белгіленген кезектен тыс парламент сайлауы өткенше атқарады.
Сайлауға Пашинянның өзі қатысады. Саяси додаға ол "Азаматтық келісім" партиясының атынан түспек.
"Бүгін мен кезектен тыс парламент сайлауын өткізу үшін отставкаға кетемін. Премьер-министр міндеті сайлау өткенше атқарамын" деді ол Пашинян жексенбі, 25 сәуірдегі теле үндеуінде.
Армения конституциясына сәйкес, парламентті тарату үшін премьер-министр отставкаға кетуі тиіс. Үкімет басшысы отставкаға кеткен жағдайда, парламент фракциялары жеті күн ішінде премьер қызметіне үміткер ұсына алады. Ол үшін ұлттық жиналыс өтіп, үміткерге депутаттардың басып көбі дауыс беруі керек.
Пашинян Армения премьер-министрі қызметіне тағы да ұсынылатынын айтты.
""Азаматтық келісім" партиясы сайлауға қатысады. Мені Армения премьер-министрі қызметіне ұсынады" деді ол.
Оппозиция Пашинянды біржола кетіруге қамданып жатыр. Премьердің қарсыластары Пашинян толық отставкаға кетпей сайлау әділ өтпей дейді. Пашинянның өзі сайлауда жеңілсе, билікті жеңімпаз атанған адамға тапсыратынын айтты.
Армениядағы наразылық Таулы Қарабақ жөніндегі келісімнен кейін қайта тұтанды. Әзербайжан, Ресей және Армения арасындағы келісімге сәйкес, Таулы Қарабақтың бір бөлігі мен оның айналасындағы аумақ Әзербайжан бақылауына өтті. Тек осы келісім арқылы ғана қақтығысты тоқтату мүмкін болды дейді Пашинян.
ПІКІРЛЕР