Тәжікстанда Өзбекстан мен Ресей күштерінің қатысуымен ауқымды әскери оқу-жаттығулар өтіп жатыр. Әскери дайындықты пысықтауға көрші Ауғанстанда радикал тәліптердің күш алуы себеп болған.
Ресей қорғаныс министрлігінің хабарлауынша, оқу-жаттығуларға 2500 мың адам және шамамен 500 әскери техника қатысып жатыр.
Ресей Тәжікстанға Қырғызстанда орналасқан әскери базасынан Су-25 жойғыш ұшақтарын жіберді.
Оқулар ауған шекарасына шамамен 20 шақырым жерде орналасқан "Харб-Майдон" полигонында өтіп жатыр.
Жауынгерлер қарсыластың шабуылын танкілермен, ұшқышсыз ұшу аппараттарының көмегімен тойтарыс беруді пысықтады. Мұндай оқу Ауғанстаннан содырлар шабуыл жасағанда дайын отыру үшін қажет.
АҚШ пен оның одақтастарының Ауғанстандағы әскери миссиясы биыл 31 тамызда аяқталады. Шетел әскері шығарылып жатқан уақытта тәліптер шабуылды үдетіп, Ауғанстанның бірнеше аймағын басып алды.
Ақпарат құралдарының мәліметі бойынша, жүзден астам аудан содырлардың бақылауына өткен. Америкалық барлаудың хабарлауынша, тәліптер алты айдан соң билікті ауған үкіметінен тартып алуы мүмкін.
ПІКІРЛЕР