Алексей Навальныйдың өмірі мен өлімі

Навальный саясатқа араласып, либералдық бағыттағы «Яблоко» партиясының құрамына кірді.

Навальный Мәскеудегі мемлекеттік оқу орнын экономика мамандығы бойынша бітіріп, екінші диплом алды.

Ол «Яблоконың» Мәскеу бөлімшесінің басқару кеңесіне сайланды.

Навальный оппозицияшыл саясаткер Мария Гайдарға «Демократиялық балама» («ДА!») жастар қозғалысын құруға көмектесті.

Навальный «ұлтшыл әрекеттері үшін» «Яблоко» құрамынан шығарылды.

Навальный орыстардың құқығын қорғап, иммиграцияны шектеуді көздейтін «Халық» қозғалысын құруға қатысты. Бұл іске ұлтшыл автор Захар Прилепин мен журналист Сергей Гуляев қатысты.

Ол «Газпром» және «Роснефть» сияқты мемлекеттік корпорациялардағы жемқорлықты әшкерелеу арқылы таныла бастады. Бұған қоса ол орыстардың ұлтшылдар маршына қатысты.

Навальный Киров облысының губернаторы, либерал саясаткер Никита Белыхтың штаттан тыс кеңесшісі болды. Бұған қоса ол блогында журналистік зертеу материалдарын жариялап, «ВТБ», «Транснефть» сияқты мемлекеттік компанияларда жемқорлықты әшкереледі.

Мемлекеттік шығындарды саралап, жемқорлықты әшкерелейтін «РосПил» жобасын бастады. Бұған қоса ол Йель университетіне оқуға түсті.

Навальный мемлекеттегі жемқорлықты әшкерелейтін «Жемқорлықпен күрес қорын» құрды. Ол «сайлауды нәтижесін бұрмалауға қарсы» наразылыққа шыққаны үшін 15 тәулікке қамалды. Бұған қоса ол «Единая Россиядан басқа кез келген партияға дауыс бер» деген акцияны қолға алды.

Навальный биліктені «Единая Россия» партиясын «алаяқтар мен ұрылар партиясы» деп атады. Бұл теңеу қанатты сөзге айналып, интернетте және митингілерде жиі қайталана бастады.

Навальныйға екі жерден ақша жымқырды және алаяқтық жасады деген айып тағылып іс қозғалды. Оның бірі «Кировлес» мемлекеттік орман өнеркәсібі компаниясында, екіншісі «Ив Роше» компаниясының Ресейдегі еншілес мекемесінде. Бұған қоса ол Ресей оппозициясы үйлестіру кеңесіне сайланды.

Оппозициядағы белсенді әрекетіне және үстінен іс қозғалғанына қарамастан, ол мемлекеттік «Аэрофлот» әуе компаниясының басқармасына сайланды.

Навальный Мәскеу мэрі қызметіне додаға түсіп, сайлауда екінші орын алды. Ол «Кировлесте» ақша жымқыру ісі бойынша бес жылға бостандығынан айырылды. Кейін ол шартты жазамен алмастырылды. Бұған қоса ол «Шығындар энциклопедиясы – Олимпиаданың бағасы» деген жобасын іске қосты.

Навальный «Ив Рошедегі» алаяқтық ісі бойынша кінәлі деп танылып, 3,5 жыл шартты жаза алды. Үйқамаққа алынды. Еуропаның адам құқықтары соты Ресей «Кировлес» ісінде Навальныйға әділ сот төрелігі қамтамасыз етілмеді деген қорытынды жасады.

Навальный 2018 жылғы президент сайлауына кандидатурасын ұсынатынын мәлімдеді.

Навальныйға екі рет «зеленка» шашып кетті. Ол сол кездегі премьер-министр Дмитрий Медведевтің жемқорлыққа қатысы туралы деректі фильм жариялады. Сотталғанына байланысты оның президент сайлауына түсуіне рұқсат берілмеді.

Навальныйдың «Кировлес» бойынша бес жылдық шартты жазасы тағы бір жылға ұзартылды.

Навальный заңсыз шаралар ұйымдастырып, оған қатысқаны үшін 10 тәулікке қамалды. Бұдан соң ол заңсыз митинг ұйымдастырғаны үшін тағы 30 тәулік әкімшілік қамауға алынды.

Навальный Томск қаласынан Мәскеуге бара жатқан ұшақта кенеттен талып қалды. Кейін Германияда жүргізілген зерттеу оның «Новичок» уымен уланғанын растады.

Германияда бес ай емделіп Ресейге қайтқан Навальныйды әуежайда тұтқындады. Оған шартты жазаны орындау ережесін бұзды деген айып тағылды. Бұдан соң оған 2,5 жыл түрме жазасы кесілді. Түрмеде үш апта аштық жариялаған Навальный сол аралықта «Путиннің сарайы» деген журналистік зерттеуін жариялады. Ол басқаратын «Жемқорлыққа қарсы қор» «экстремистік ұйым» деп танылып, оның жұмысына тыйым салынды.

Навальный ақша жымқырғаны үшін және сотқа құрмет көрсетпегені үшін тағы 9 жылға сотталып, қауіпсіздігі жоғары түрмеге ауыстырылды.

Навальный солтүстік поляр шеңберінің ішінде жатқан Харп елді мекеніндегі колонияға жіберілді. Түрлі қылмыстары, соның ішінде «экстремистік әрекеті» үшін оған тағы 19 жыл бас бостандығынан айыру жазасы кесілді.