Жапония дағдарысынан кейін Франция ядролық реформа жасауға шақырды

Франция президенті Николя Саркози осы жылдың аяғына дейін ғаламдық ядролық стандарттарды реформалауға шақырды. Бұл туралы ол бейсенбі күні Жапонияға сапары барысында мәлімдеді.

Экономикасы дамыған елдердің "Жиырмалық тобының" қазіргі төрағасы Саркози - Фукусима атом электр станциясы наурыздың 11-індегі зілзала мен цунамиден зақымданған соң Жапонияға барған алғашқы шетел президенті.

Саркозидің айтуынша, Жапониядағы сияқты ядролық дағдарысты болдырмау үшін Франция мамыр айында "Жиырмалық тобы" ядролық ресми өкілдерінің жиынын өткізбекші.