Ливия үкіметі атысты доғару туралы ұсынысты қабылдамады

Ливия үкіметі көтерілісшілердің атысты тоқтату жөніндегі ұсынысын қабылдамады.

Көтерілісшілердің басшылығы егер Муаммар Каддафи өз әскерилерін Ливияның барлық қалаларынан шығарып, ливиялықтардың таңдау құқығын құрметтесе атысты доғаратынын айтқан болатын. Үкімет баспасөз хатшысы Муса Ибрахим оны "ақылға қонбайды" деп жоққа шығарды.

Жұма күні НАТО Ливия кеңістігіндегі операцияларды өз бақылауына алғалы бері бұл елге 74 рет әуеден соққы бергенін хабарлады.